尋晚夜晚十點鐘，
執仔拉住我拍拍大門又攞起對鞋仔，
示意想我帶佢出街，
咁我梗係話太陽伯伯放左工返屋企訓教教喇
可憐最近既小朋友，
個個都兩星期以上冇出過去玩，
執仔都唔例外，只係每日帶佢出走郎踏下單車、按下燈制、吹下泡泡波😢😢😢
每日係屋企拉哂所有玩具同書仔出黎玩完又玩、睇完又睇，
仲有日日教佢戴口罩同洗手，
我諗每個媽媽都好苦惱，點可以教到咁細既小朋友戴口罩呢？
所以佢係冇show過我架，
淨係得我鍥而不捨係咁讚佢靚仔叻仔乖仔，佢就不斷拉走個口罩
直到尋晚，
我話太陽伯伯返左屋企唔出街，
佢行左去拎起個獅子仔口罩再行去門口😭😭😭😭
我突然好感慨！為左想去街，佢竟然肯戴最討佢厭既口罩😭😭😭😭同時都好驚訝小朋友學習能力咁強！！
小朋友到底悶左幾耐？
最後我獎勵佢係走廊行左兩個圈😭😭😭佢開心到一路行一路大笑😭😭心都痛埋，好心痛佢地玩樂既時間被剝奪，但同時慶幸佢咁容易滿足。。
面對疫情，大家都失去好多自由、得到好多惶恐，
講話全民抗疫，就真係得市民努力抗疫only，
應該要把關既特首從來冇出過力。。。我真係祝佢快d中招🖕🏿🖕🏿🖕🏿
慶幸呢段時間放產假，
即使仔仔冇得落街放電，
媽咪都可以係屋企陪佢
呢段時間冇得出街，但係多左同屋企人相處既機會，多左休息機會，仲見到好多真。香港人係高官不作為既情況下，為我地搜集防疫物資！
多謝各位！
#希望早日抗疫成功！
#真香港人齊齊整整疫情不臨
#繼續期待除罩相見的一刻
#多謝醫護
#請問各位媽媽有咩益智玩具玩意推介下呀？
Search